शौकतभाई शेख
श्रीरामपूर प्रतिनिधी
इंदिरानगर येथील वाचन संस्कृती प्रतिष्ठानतर्फे दसऱ्यानिमित्त पुस्तकरुपी सोने देऊन आणि परिसंवाद आयोजित करून खऱ्या अर्थाने विजयादशमीला श्रीमहामाता सरस्वतीदेवीचे केलेले पूजन प्रेरणादायी आणि संस्कृतीदर्शक असल्याचे मत पत्रकार अड, बाळासाहेब तनपुरे यांनी व्यक्त केले.
इंदिरानगर भागातील श्रीखंडोबा मंदिरात वाचन संस्कृती प्रतिष्ठानतर्फे ग्रन्थपूजन, पुस्तकभेट आणि पुस्तक परिसंवाद कार्यक्रम आयोजित करण्यात आला होता.प्रतिष्ठानच्या उपाध्यक्ष कवयित्री संगीता फासाटे-कटारे यांनी स्वागत, प्रास्ताविक करून श्रीसरस्वतीमातेचे महत्व सांगून प्रार्थना सादर केली.अड, बाळासाहेब तनपुरे यांनी आपल्या पत्रकारितेचे अनुभव सांगितले.वाचन संस्कृतीचे उपक्रम ही आजची ज्ञानसाधना बनावी अशी अपेक्षा व्यक्त केली.
यावेळी संयोजक माजी मुख्याध्यापक भागवतराव मुठे पाटील यांनी वाचन संस्कृती वाढली तरच ज्ञानशीलतेला प्रतिष्ठा प्राप्त होईल. इंदिरानगरमधील जेष्ठ नागरिक आणि वाचनप्रेमी युवक यांना एकत्रित करून असे साहित्यिक, सामाजिक उपक्रम सतत व्हावेत अशी अपेक्षा व्यक्त केली.माजी प्राचार्य डॉ. शन्करराव गागरे, प्राचार्य किसनराव वमने,डॉ.बाबुराव उपाध्ये यांनी 'जीवनचिंतन 'या पुस्तकपरिसंवादातून लोकसंवाद ही माणुसकीची कार्यशाळा सतत चालावी अशी सदिच्छा व्यक्त केली. प्राचार्य वमने यांनी डॉ.जगन्नाथ दीक्षित यांचे आहार आणि आरोग्यविषयक विचार पटवून दिले.डॉ.उपाध्ये यांनी अड,बाळासाहेब तनपुरे यांच्या 'न्यायदेवता'आणि 'प्रारब्ध ' ह्या लवकरच प्रकाशित होणाऱ्या पुस्तकांची चर्चा केली.यावेळी सचिन भोसले,आदित्य भोसले यांनी श्रीखंडॊबाचे पूजन केले आणि पुस्तकसंवादात भाग घेतला.संगीता फासाटे यांनी सूत्रसंचालन करून आभार मानले.
