संभाजी कांबळे
जिल्हाधिकारी डॉ विजय राठोड यांनी घनसावंगी तालुक्यातील रांजणी, मासेगाव, डहाळेगाव, घोंन्शी, घनसावंगी या गावातील विविध विकास कामांची पाहणी केली. या प्रसंगी त्यांनी झाडे टिकली तर आपण टिकू यासाठी वृक्षलागवड आणि त्याचे संवर्धन करण्यावर भर देण्याचे आवाहन केले. मासेगाव येथे डॉ विजय राठोड यांच्या हस्ते वृक्षाचा वाढदिवस साजरा करून केली. देवराई प्रकल्प पाहणी आणि नवीन वृक्ष लागवड तसेच शालेय विद्यार्थी यांच्या सहायाने सिडबॉल तळ्यातील हनुमान टेकडी मंदिर परिसरात फेकण्यात आले.
यावेळी रोजगार हमी योजने उपजिल्हाधिकारी रविंद्र परळीकर, तहसीलदार नरेंद्र देशमुख, नगराध्यक्ष पांडुरंग कथले, मुख्याधिकारी विक्रम मांडुरके, तालुका कृषी अधिकारी राम रोडगे, नायब तहसीलदार गौरव खैरनार, संबधित गावांचे सरपंच, इतर संबधित शासकीय अधिकारी कर्मचारी , जिवनवृक्ष टीम चे नारायण देवकते व त्यांची टीम तसेच शेतकरी व गावकरी, ग्रामसेवक, तलाठी यांची मोठ्या संख्येने उपस्थित होती.
